«Қош бол, бастауыш мектеп!» атты...
Текст
«Ақмола облысы білім басқармасының Зеренді ауданы бойынша білім бөлімі Қызылтаң ауылының жалпы орта білім беретін мектебі» коммуналдық мемлекеттік мекемесі
Коммунальное государственное учреждение «Общеобразовательная школа села Кызылтан отдела образования по Зерендинскому району управления образования Акмолинской области»
«Қош бол, бастауыш мектеп!» атты мерекелік кеш өтті
28.05.2026
«Қош бол, бастауыш мектеп!» атты мерекелік кеш өтті
Мектебімізде 4-сынып оқушыларына арналған «Қош бол, бастауыш мектеп!» атты салтанатты кеш жоғары деңгейде ұйымдастырылып өтті. Бұл кеш — бастауышпен қоштасып, жаңа белеске қадам басқан жас түлектер үшін ерекше әрі есте қаларлық сәт болды.
Іс-шара барысында оқушылар өз өнерлерін ортаға салып, ән айтып, би билеп, көріністер көрсетіп, ұстаздары мен ата-аналарына жүрекжарды алғыстарын білдірді. Әр оқушының бойынан бастауыш сыныпта алған білімі мен тәрбиесінің жемісі анық байқалды.
Кешке қатысқан ата-аналар мен ұстаздар балалардың жетістіктеріне қуанып, жылы лебіздері мен ізгі тілектерін арнады. Сонымен қатар, оқушыларға бастауыш білімді аяқтағаны туралы дипломдар мен алғыс хаттар табысталды.
Бұл мерекелік кеш балалардың есінде мәңгі сақталатын жарқын естелікке айналды. Бүгінгі бүлдіршіндер — ертеңгі ел болашағы. Оларға алдағы оқу жолында тек сәттілік, биік белестер мен үлкен жетістіктер тілейміз!
Просмотров: 1